Sono Sion

Faan Wikipedia
Zur Navigation springen Zur Suche springen
Sylt2.png Söl'ring


Sono
Di wit Proototyp fan di Sion uur weeget
Di wit Proototyp fan di Sion uur weeget
Sion
Becht fan bit: fan 2019 ön
Autoklas: Kompaktklas
Bechningsaart Karoserii: Kombiwain
Motooren: Elektromaskiin:
80 kW / ~ 109 PS
Max. Draimoment:
Max. Gauhair:
0 bit 100 km/h:
Leengdi: 4110 mm
Breedji: 1790 mm
Hoogdi: 1680 mm
Aksenstant: 2450 mm
Wecht lerig:
Wecht töleten:
Leerrüm:
Taaklast: {{{Taaklast}}} kg
Vorgängermodell --
Nachfolgemodell Seerienvarianti

Di Sono Sion es en Elektroauto, wat Sono Motors forsprakt. Di Wain ken fan't Stroomnat sa üs uk fan ain Solaarpaneeli ön di Karoserii āpleeren uur.

Histoorie

Sent 2012 aarberi di Grünjliiers fan ön jaar Sion.[1] Ön di Jaaren 2016 en 2017 kür aur Crowdfunding-Kampagnen muar üs 2 Milljoonen Euro fuar dit Omseeten en Proototypen saamlet uur.[2][3][4]

Ön di Juuli 2016 waar di Reekner-Skeltern fan di SION weeget[5]

Sent August 2017 jeft et tau Proototypen fan di SION, wat bi Roding Automobile becht uuren sen. Ja skel sa temelk sa wiis üs di SION achterön becht uur.[6] Dit Auto skel man jit forbeetert uur, bit dat dit becht uur. Di SION uur ön twelef Staten ön Euroopa tö Proof köört, en diarbi wel em di Failen ütfinj en eeđer di Kritiik fan di Liren hiir.

Ön di Hārefst fan 2017 heer di Seerienaarber bigent. Di Crashtest skel 2019 maaket uur, en diarbi wel em hol fjuur Stiaren eeđer di NCAP Standard haa wel.[7]

Seerienproduktsjoon en dit Forkoopin skel uk 2019 ön Gang kum. [8]

2017 sen hok Investooren tö Sono Motors kemen, sa üs di Grünjliier fan di Energiitiinstler Juwi en di Böllinger Gruppe.[9]

Di 9. Mai 2018 waar bikeent dönen, dat di Bateriien fan Elring Klinger üt Dütsklön kum skel. Des Firma es bikeent fuar Dechtingen en jit hok Saaken, wat iin ön ark Auto set, en heer al Taachten fuar di Wanel tö't Elektroauto. Dit Voluumen fan di Kontrakt giar aur muar hönert Miljoonen Euro en lapt aur aacht Jaaren.[10]

Di 6. Juni 2018 jaav't Biskiir, dat di SION LED-Leechtern fo skel, wat bi des Klas fan Auto ek olter aaft fuarkumt. Uk des Lampen kum fan Dütsklön (Automotive Solutions Germany GmbH (ASG))[11]

Di 14. Juni 2018 kām di 5.000. Reserviaring iin, en diarfan waar "green Leecht" fuar di Produktsjoon dönen.[12]

Model

Di SION es en Elektroauto, wat aur Steekdoos, Typ2, CCS en solaar aur ain Moduuli āpleeren uur ken. Di Stroom ken ek bluat iin ön di Baterii, di ken diar uk me bit tö 3,6 kW Giraatenkraft ütnomen uur (Bidirekstsjonaal).

Öndreft

Di Maskiin es en Triiphāsen-Asynchroonmaskiin me 80 kW. Di Aarbers-Spaning es 400 V.

Bi di Proototyp giar di Kraft ön di Achterweelen, üs em jert, skel di ön dit Seerienauto ön di Fuarderweelen gung.[13] Di Gauhair skel ek aur 140 km/h gung.[14]

Solaarmoduuli (viSono)

Di suurt Proototyp (13. Oktober 2017)

Aural ön di Karoserii heer em mal efistienti Solaarmoduuli me monokristaliini Siliziumselen önbecht (Senerlig efitsient bi difuusi Leecht, ja skel bi Straalwinkeln bit dial tö 70 jit 100 % fan jaar Stroom maaki). Boowen ön di Moduuli es en Sküül fan Polycarbonāt.

Di Moduuli deek 7,5 m² fan dit Auto en skel 24 % Aarbersefekt haa (Dit es aur di Maaten gur). Di Kraft fan di Moduuli giar bit tö 1208 Watt Peak (Wp).
Bi Senskiin ön Mereleuroopa skel diarfan ön en gur Dai bit tö 30 km uur, ön't Merel aur't Jaar skel dit ark Dai ombi 10 km wiis.

Ütstafiaring

SonoMotors wel bluat jen Produkt bech, en suurt Wain, wat fuar ark jen lik es.

Plaats es diarbenen fuar 5 Mensken, di Seetplaatsen ber 45 cm Lucht fuar di Skolern, en ark giar omtöklapi. Bi di Plaats fuar di Köörer ken uk di Hoogdi forstellt uur.
Di Leerrüm heer 650 Liitern en ken üp 1.250 Liitern kum, wan di Achterseeten omliar uur.

Di Airbag fuarn rochts (Of ön Engelön fuarn lefts) let höm ütmaaki, dat em diar en Dütjiseet haa ken.

En Önhingerkupling bit 750 kg skel tö bistel wiis.

Proototyp fan benen (26. August 2017)

Moos fuar gur Lucht (breSono)

Di Lucht tö uuremi uur döör en Filter fan Moos blöögen.

Dit Auto üs en Stroomlaager (biSono)

Me di Änslüten skel em ek bluat di Bateriien āpleer, em ken diarme uk Stroom üt dit Auto fo, bit tö 230 Volt/16A = 3,6 kW Giraatenkraft.[15] Me Typ2-Kaabel skel dit bit tö 11 kW Giraatenkraft of Stroom fuar en Elektroauto wiis.
Dir Leergiraat es diarfuar taacht, dat et uk Stroom iin ön't Stroomnat dö ken (Vehicle to Grid).

Werkstair (reSono)

Dit Hunbok fuar Werkstairen sa üs uk CAD-Daaten fuar 3D-Prenters en sok Maskiinen skel em me sin SION lizenzfrii fo. Sa ken em dit Auto fuar't olermiist salev ön Gang hual.[14]
SonoMotors wel uk Videos produtsiari, wat forklaari, hur'ling em dit en des repariari ken, en sa skel em salev di Möögelkhair haa en becht wat iin, wan em dit ek tö en Werkstair dö wel. Des ken da uk diareeđer luki en Help fo.[16]

Sharing (goSono)

Hoken en SION heer, di ken aur en App Stroom önber (Power sharing) of dat jen me langs köör ken (Ride sharing). Hi ken sin Wain uk forhüüri, wan hi salev ek diarme önerwai es (Car sharing). Diarfuar es bi di SION en Program iinprogramiaret.[17]

Akku en Laapwai

Di Li-Ion-Akku (LiMn2O4) skel me Weeter köölet uur en en Kapatsiteet fan 35 bit 45 kWh sa üs en Wecht fan ombi 250 kg haa.[15]

Der Sono Sion skel me sin Baterii 320 km (NEFZ) laap, dit sen ombi 250 km üp Straat.[14]
Me dit Leergiraat iin ön dit Auto skel twesken 306 en 22 kW Leerkraft iin ön di Bateriien to fo wiis.

Luki uk jir

Futnooten

  1. Sono Motors. Ön: Podcast „Clean Electric“ Folge 13. 11. August 2016, ufrepen di 17. Oktuuber 2017.
  2. Indiegogo: Sion. A Solarcar for everyone. ufrepen di 17. Oktuuber 2017 (ingelsk).
  3. Seedrs: Develop, build & market an electric vehicle with novel drive, mobility and charging technologies. ufrepen di 17. Oktuuber 2017 (ingelsk).
  4. Wiwin: Unternehmensfinanzierung im Bereich Elektromobilität. ufrepen di 17. Oktuuber 2017.
  5. Sebastian Henßler: Sono Motors präsentiert Sion – ein Solarauto für Jedermann. 3. August 2016, ufrepen di 9. Mei 2018.
  6. Roding Automobile: Sono Motors präsentiert Funktionsprototypen des SION. Ön: roding-automobile.de. ufrepen di 17. Oktuuber 2017.
  7. goingelectric: Produkt-Update durch Sono Motors. Ön: facebook.com. 10. Nofember 2017, ufrepen di 19. Nofember 2017.
  8. Andreas Schulz: Sono Motors definiert mit dem Sion die urbane Mobilität neu. Ön: ingenieurversteher.de. 15. September 2017, ufrepen di 9. Mei 2018.
  9. gruenderszene.de: So fährt sich das Solarauto von Sono Motors. 17. Oktuuber 2017, ufrepen di 18. Oktuuber 2017.
  10. Sono Sion: Batterie-Großauftrag geht an ElringKlinger – ecomento.de. In: ecomento.de. 2018-05-09 (ecomento.de [abgerufen am 2018-05-09]).
  11. Über ein Jahr vor Produktionsstart verbucht Sono Motors bereits mehr als 5.000 Reservierungen. In: presseportal.de. 2018-06-14 (presseportal.de [abgerufen am 2018-06-14]).
  12. Sono Sion. ufrepen di 2. Jüüle 2018 (schiisk).
  13. 14,0 14,1 14,2 Sono Motors: Ausführliches Factsheet. ufrepen di 17. Oktuuber 2017.
  14. 15,0 15,1 Sono Motors: Häufige Fragen (FAQ) zum Sion. ufrepen di 17. Oktuuber 2017.
  15. Sono Motors: Repair. ufrepen di 17. Oktuuber 2017.
  16. Sono Motors: goSono. ufrepen di 17. Oktuuber 2017.